Елордада бүлдіршінді қинап өлтірген бала күтуші мен оның көңілдесіне сот үкімі шықты, деп хабарлайды Ulysmedia.kz.
Қалалық прокуратура өкілдері хабарлауынша, кінәлі адамдар балаға қарсы қатыгез қылмыс жасағаны үшін жазаланды.
"2022 жылы бала күтуші мен бірге тұратын көңілдес адамы жас баланы физикалық зорлық-зомбылыққа ұшырату салдарынан оның өліміне әкеп соқты", – делінген ведомство хабарламасында.
Қала прокуратурасының үйлестіруімен жедел-тергеу тобы құрылды. Жедел және объективті тергеп-тексеру қамтамасыз етілді.
"Сотта мемлекеттік айыптаушымен аталған адамдардың кінәсі туралы бұлтартпас дәлелдер келтірілді, олар 17 және 23 жылға сотталды", – делінген хабарламада.
Үкім заңды күшіне енді.
Еске салайық, халыққа жолдауында Тоқаев кәмелетке толмағандарға жасалған зорлық-зомбылықтың кез келген түріне қатысты жазаны күшейтуді тапсырған.