Метеорологиялық құбылыстардан туындаған табиғи апаттар адамдарды үйлерін тастап кетуге мәжбүр етеді. Соңғы алты жылда табиғи апат салдарынан 43,1 миллионнан астам бала үйлерін тастап кетуге мәжбүр болды. Бұл туралы ЮНИСЕФ мәлімдеді, деп хабарлайды Ulysmedia.kz.
Save Children International халықаралық ұйымы соңғы алты жылда табиғи апаттар салдарынан миллиондаған баланың өз үйін тастап кетуге мәжбүр болғанын растайтын алғашқы жаһандық зерттеу жүргізді.
ЮНИСЕФ мәліметі бойынша, климаттың өзгеруіне байланысты көші-қонға мәжбүр болған балалар саны ең көп елдер тізімінде Қытай мен Филиппин көш бастап тұр. Бұл елдерде ауа райының төтенше жағдайлары жиі кездеседі және балалардың үйін тастап кетуінің саны айтарлықтай көп. Сонымен қатар, Қытай мен Филиппин ерте ескерту және эвакуациялау жүйелерін әзірледі, бұл статистикаға да әсер етеді.
Отбасылардың, соның ішінде балалардың қоныс аударуының ең көп тараған себептері су тасқыны мен дауыл. Екінші жиі кездесетіні - құрғақшылық, үшіншісі - орман өрттері.
«Дала өрттері 810 000 баланы көшірді, оның үштен бірінен астамы 2020 жылы ғана орын алды, негізінен Канада, Израиль және Америка Құрама Штаттарында», - делінген хабарламада.
ЮНИСЕФ пен БҰҰ қауіпті аймақтарда тұратын балалар мен отбасыларды күтпеген жағдайларға дайын болуға шақырады.