Биыл 17 наурызда Ресейде президент сайлауы өтеді. Осыған орай Алматыдағы Ресей Федерациясының Бас консулдығы үндеу жолдады, деп хабарлайды Ulysmedia.kz.
17 наурызда Бас консулдықтың аумағында (Алматы, Жамбыл, Жетісу, Түркістан, Қызылорда облыстары, Алматы, Шымкент қалалары) сайлауға байланысты дауыс беру өтеді, - деді Алматыдағы Ресей Федерациясының Бас консулдығы.
Хабарламаға сәйкес, дауыс беру 08:00-де басталып, 20:00-де аяқталады.
Алматы қаласы, Жандосов көшесі, 4 мекен жайы бойынша Ресей Бас консулдығының ғимаратында орналасқан №8133 сайлау учаскесі мен №8134 сайлау учаскесінде дауыс беруге болады, - деп мәлімдеді консулдықтан.