Энергетика министрі Мағзұм Мырзағалиев АЭС салу алдында қоғамдық тыңдаулар өткізуге уәде берді, деп хабарлайды Ulysmedia.kz
«Жұртшылықтың пікірі міндетті түрде назарға алынатын болады, бірақ бұл жерде, барлық талқылаулардан және бүгінгі күні көріп отырған АЭС-ке деген үлкен қызығушылықтан бөлек ашық сөйлесу керек. Біз құрылысты жоққа шығарамыз, бірақ жарықсыз отырғымыз келе ме? Экологиялық кодекске сәйкес бірінші санатқа жататын кез-келген жоба қоғамдық тыңдаулар арқылы өтеді. Қоғамдық тыңдаулар құрылыс басталар алдында өтед», - деді ол.
Журналстер Мирзагалиевтен халықтың көп бөлігі қарсы дауыс берсе, министрлік станция құрылысын тоқтата ма деп сұрады. Министр «саяси мәселелермен айналысқым келмейді» деп жауап берді.
«Мен бұл мәселемен айналысқым келмейді, сіз қойған саяси сұрақ. Мен энергетика министрімін. Есебіміз бойынша бізге құрылыс қажет екенін көріп отырмыз», - деп жауап берді министр.
Сонымен қатар, Энергетика министрлігінің басшысы станция қауіпсіздігі үшін мемлекет емес, инвестор жауапты болатынын мәлімдеді.
«Ешкім ешқашан кепілдік бермейді. АЭС салу кезінде басты назар технология мен қауіпсіздікке аударылады. Ал осы станцияны салатын инвестор тиісті жауапкершілікке ие болады», - деді ол.
Естеріңізге сала кетейік, АЭС салу мәселесі Қазақстанда 2021 жылы күрт жанданды. Қазіргі уақытта Қазақстан билігі Атом энергиясы жөніндегі Ресей корпорациясы — Росатоммен келіссөздер жүргізуде.
Ал станция салу туралы идея қазақстандықтар арасында сынға ұшырады. Азаматтардың бастамашыл тобы Қазақстанда АЭС-ке қарсы петиция құрды. Өтініш авторлары Үкіметтің азаматтардың қауіпсіздігіне кепілдік бере алатындығына күмән келтіреді және электр станцияларының балама түрлерін салуды ұсынады.
Сонымен қатар, Тұңғыш президент Нұрсұлтан Назарбаев АЭС құрылысы жайлы америлық режиссер Оливер Стоунға берген сұхбатында жариялады.
Президент Қасым-Жомарт Тоқаев Қазақстандағы электр энергиясы тапшылығының белгілеріне сілтеме жасай отырып, станцияның маңыздылығы туралы айтты.