Батыс Қазақстан облысы Жаңақала ауданының полицейлері судьяның көлігін өртеуге қатысы бар деген күдікке ілінген 3-сынып оқушысы Ернұр Жасқайраттан кешірім сұрады. Бұл туралы жергілікті блогер Айболат Бөкенов мәлім етті, деп хабарлайды Ulysmedia.kz.
Еске салайық, 31 мамыр күні түнде сағат 5.00-де Жаңақала кентінде аудандық судья Ілияс Іргебаевтың көлігін белгісіз біреулер өртеп жіберген. Өрт сөндірушілер келгенге дейін өрт сөндірілді. Көп ұзамай полиция ҚР ҚК 202-бабының 2-бөлігі "Бөтеннің мүлкін қасақана жою немесе бүлдіру" бойынша тергеуді бастады.
Жергілікті тұрғындардың айтуынша, полицейлер көліктің жанынан пластикалық бензин бөтелкесі мен қамыс тапқан.
Өрттен 4 күн өткен соң Жаңақала аудандық ІІБ полицейлері көпбалалы ана Раушангүл Бисенованың үйіне келіп, 9 жасар ұлы Ернұр Жасқайрат көлікті өртеді деген күдікке ілінгенін жеткізген.
Осыдан кейін баланың анасы ұлының мұндай қылмыс жасау үшін тым кішкентай екенін және сол түні ол үйде болғанын және түнде жалғыз шығудан қорқатынын айтқан бейнеүндеу жазды. Видеоны блогер Айболат Бөкенов Facebook парақшасында жариялады.
Бүгін блогер аудан полицейлері Ернұр Жасқайрат пен оның отбасынан кешірім сұрағанын айтты.