Президент Қасым-Жомарт Тоқаев Қазақстанның Ресейдегі жаңадан тағайындалған елшісі Дәурен Абаевты қабылдады, деп хабарлайды Ulysmedia.kz.
Ақорданың хабарлауынша, кездесу барысында Мемлекет басшысы Ресей Федерациясымен стратегиялық серіктестікті одан әрі нығайтудың аса маңызды екенін атап өтті.
Президент екіжақты қарым-қатынасты дамыту жөнінде Дәурен Абаевқа бірқатар тапсырма берді.
Айта кетейік, Абаев бұл қызметке 3 шілдеде тағайындалды.
Оған дейін Қазақстанның Ресейдегі елшісі қызметін атқарған Ермек Көшербаев ШҚО әкімі болып тағайындалды.