Ұлттық экономика министрлігі елдегі бизнестің дамуын жаңа деңгейге көтеретін "экономикалық рельстер" дайындалып жатқанын айта бастады, деп хабарлайды Ulysmedia.kz.
Алайда ведомство басшысы Әлібек Қуантыров Үкімет кулуарында аталмыш рельстер жайлы түсініктеме бере алмады.
«Мемлекеттік қолдаудан ақырындап шегіну керек. Бір жағынан батыс елдеріндей өмір сүргіміз келеді, алайда екінші жағынан субсидиялардан айырылмасақ дейміз. Субсидиялардан кетсек шу көтеріледі», - дейді ол.
Жауабын нақтылауды сұрап едік – «маған кедергі келтіріп тұрсыз» деп Қуантыров журналиске шүйлікті.
Айта кетейік, бұдан бұрын Ұлттық экономика министрі Әлібек Қуантыров інісінің «Қазатомөнеркәсіпте» лауазымды қызметке тағайындалуына қатысты пікір білдірген.