Тимур Сүлейменов Ұлттық банк төрағасы қызметіне тағайындалды, деп хабарлайды Ulysmedia.kz.
Сүлейменовтың кандидатурасын президент Сенатқа ұсынған. Жоғары палатаның қаржы және бюджет комитетінде бұл ұсынысты қарап, мақұлдады. Сенат депутаттары ашық дауыс беру арқылы Сүлейменовтың кандидатурасын қолдап дауыс берді.
Айта кетейік, Тимур Сүлейменов бұған дейін Президент әкімшілігі басшысының бірінші орынбасары болды.
Өткен аптада Президент әкімшілігінде басқару құрылымы өзгеруіне байланысты Сүлейменов қызметінен айырылған болатын.
Ұлттық банкті 2022 жылдың ақпанынан бері басқарған Ғалымжан Пірматов бүгін лауазымынан босатылды.