Алматы гарнизонының әскери соты журналист Михаил Козачковқа шығарылған сот үкіміне қатысты түсініктеме берді, деп хабарлайды Ulysmedia.kz.
Сот мәліметінше, Михаил Козачковқа адамның жеке өміріне қатысты жалған ақпарат таратты деген айып тағылған. Сот үкімінде журналист отбасы құпиясына қатысты мәлiметтердi заңсыз жинап, таратқаны жазылған.
«Адамның жеке өмiрi туралы мәлiметтердi өзінің қызмет бабын пайдалана отырып жинау және адамның жеке өмiрi туралы мәлiметтердi таратуға дем берушілік бойынша ҚР Қылмыстық кодексінің 147-бабының 3-бөлігі, 28-бабының 5-бөлігі – 147-бабының 5-бөлігінде көзделген көрінеу жалған ақпарат тарату жасады деп айыпталған К-ға қатысты қылмыстық іс қаралды.
Сот газет редакциясының журналисі К.-мен бірге бір топ адамның 2021 жылы шілдеден бастап 2022 жылы тамызға дейін «К» телеграм-каналында жәбірленушілердің жеке және отбасылық құпиясын құрайтын мәліметтерді таратқанын анықтады», - делінген хабарламада.
Сондай-ақ, сот журналист Козачковтың жәбірленушілерге қатысты олардың алкогольмен уланғаны туралы жалған ақпарат таратқанын атап өтті.
Процесс кінәні мойындау туралы келісімдік тәртіпте жүргізілді.
«Сот үкімімен журналист К. қылмыстық құқық бұзушылық жасағаны үшін кінәлі деп танылып: ҚР Қылмыстық кодексінің 147-бабы 2-бөлігі бойынша 1 жыл және 6 ай түріндегі бас бостандығынан айыру, ҚК-нің 147-бабы 5-бөлігі бойынша 3 жыл және 6 ай түріндегі бас бостандығынан айыру, 274-бабы 2-бөлігінің 3-тармақшасы бойынша 1 жыл және 6 ай түріндегі бас бостандығынан айыру туралы жаза тағайындалды.
ҚК-нің 58-бабының 3-бөлігі негізінде онша қатаң емес жазаны неғұрлым қатаң жазаға ауыстыру арқылы түпкiлiктi жаза 3 жыл және 6 ай бас бостандығынан айыру түрінде тағайындалды. Қылмыстық кодекстің 63-бабы негізінде сот шартты жаза қолданды», - делінген хабарламада.
Еске салайық, Қаржы мониторингі агенттігі Михаил Козачковты 2022 жылдың 18 желтоқсанында ұстады.
Тергеу мәліметінше, Михаил Козачков Коспаевтың ұйымдасқан қылмыстық тобына рейдерлік басып алулар жасауға көмектескен деген күдікке ілінген. Қоспаев пен оның сыбайластары танымал кәсіпкерлердің бизнесін тартып алуы теріс қоғамдық резонанс тудыратынын түсініп, Козачковтың қызметтерін рейдерлік басып алу құрбандарына ақпараттық шабуыл жасау мақсатында пайдаланған.
Ақорда Бас прокуратура журналисті тергеудің заңдылығын қадағалауды қамтамасыз етуге міндетті екенін баса айтты.
18 ақпанда Козачков үйқамаққа ауыстырылған болатын.
Бұдан бұрын Козачков өзіне тағылған айыптар тізімі біршама қысқарғанын мәлім еткен.
"Өкінетінімді жеткізгеніме байланысты заңсыз жариялаған мемлекеттік құпияларды ашу ісі бойынша тергеу тоқтатылды. Сондай-ақ, тергеу барысында өз материалдарыма ақпарат жинап, мақалалар жариялау арқылы бірнеше рет заңдарды бұзғаным анықталды. Журналистік тергеулермен айналысып, үнемі жаңа ақпарат іздей отырып, басыңды қатерге тігесің. Бірнеше адамның жеке деректерін заңсыз жинап, таратып жібергенім белгілі болды. Мен қателескенімді түсінемін, кей кездері ақиқаттан алшақ кеттім және бұл үшін жауап беруге дайынмын", – деген еді журналист.
27 наурызда Козачковтың шартты түрде 3,5 жылға сотталғаны хабарланды.