Бұл сұхбат БАҚ үшін ауыр кезеңде жазылды. Өкінішке қарай, бұл күнде Ulysmedia.kz, Orda.kz, Elmedia, KazTAG — және жекелеген журналистер бұрын-соңды болмаған қысымға ұшырап отыр.
Бүгінгі қонағымыз — қазақстандық журналистиканың аңызы, Elmedia порталының негізін қалаушы Гүлжан Ерғалиева. Оның мақалалары біреуге ұнамаса, енді біреулерге – құрмет пен үміттің, шабыт пен үрейдің қайнары болды. Ол бұғаттауды да, тінтулер мен қудалауларды да, тұтқындауларды да бастан өткерді. Бірақ соған қарамастан, шындықты айтуын тоқтатқан жоқ.