Алматыда екі КамАЗ-дың соқтығысуы салдарынан бір адам қаза болды, деп хабарлайды ulysmedia.kz.
Қалалық полиция департаментінің мәліметінше, жол-көлік оқиғасы Т.Рысқұлов даңғылы мен Ф.Оңғарсынова көшесінің қиылысында болған.
«Ф.Оңғарсынова көшесінің оңтүстік бағытында қиыршық тас тиелген көлік бұзылып, тоқтап қалған. Жүргізуші техникалық көмекті күтіп тұрды. Осы кезде басқа жүк көлігі қатты жылдамдықпен жолда тұрған КамАЗ-ды соққан. Салдарынан жүргізушіге көлікті жөндеуге көмектесіп жатқан ер адам алған жарақатынан оқиға орнында көз жұмды. Тағы бір адам қаладағы аурухананың біріне жеткізілді», - делінген хабарламада.
Полиция адам өлімі болған жол-көлік оқиғасын сотқа дейінгі тергеуді басталып, тиісті сараптама тағайындалды.