«Семей орманы» аумағындағы өрт толық сөндірілді, деп хабарлайды Ulysmedia.kz.
ӨРТ СӨНДІРІЛДІ
5 сәуірде сағат 17:10 жағдай бойынша өрт толықтай сөндірілді.
Өртті сөндіруге 419 адам және 140 техника бірлігі жұмылдырылды, оның ішінде:
• ЭТРМ — 143 адам, 65 техника бірлігі;
• ЖАО — 35 адам, 16 техника бірлігі;
• ТЖМ — 227 адам, 55 техника бірлігі;
• ІІМ — 14 адам, 4 техника бірлігі.
Өрттің таралуын болдырмау бойынша барлық жұмыстар аяқталды. Оқиға орнына орман шаруашылығы және жануарлар дүниесі комитеті төрағасының орынбасары Мақсат Елемесов те келіп, бақылау жүргізді.
Қосымша ақпараттар хабарланатын болады.
ЕКІ ОБЛЫС
Еске салайық, бұған дейін бірден екі облыста дала өртенгенін хабарлаған болатынбыз. Павлодар және Абай облыстарында құрғақ шөп жанып, дала өрті болды.