Павлодарлықтар дауылды желден әлі есін жия қойған жоқ. Соңғы мәліметтерге сенсек, 18 ауыл үш тәулік бойы электр қуатынсыз отыр. Мұндай жағдайға жол берген бірқатар жауапты тұлға облыс әкімінен «сөз естіді». Тіпті, облыстық энергетика және тұрғын үй-коммуналдық шаруашылық басқармасының басшысы Ержан Салханов жылы орнын босатты. Өзге де лауазымды тұлғалар қызметімен қош айтысуы мүмкін.