Костенко атындағы шахтада орын алған апаттан қаза тапқандар саны 32-ге жетті. Нысан маңындағы ғимаратта кеншілердің туыстары соңғы деректерді күтіп отыр, деп хабарлайды Ulysmedia.kz.
Залдағы жағдай өте ауыр. Кеншілердің туыстары негізінен Қарағанды, Теміртау қалаларынан келген.
“АрселорМиттал Теміртау” компаниясының өкілдері шамамен бір сағат бұрын соңғы мәліметтерді жариялаған болатын. Олардың сөзіне қарағанда, әлі 14 адам іздестіріліп жатыр.
Ал кеншілердің туыстары өз жақындарының тірі екенінен үмітті.
Айта кетейік, «Қазақстан» кенішінде («АрселорМиттал Теміртау» компаниясына тиесілі) жақында болған қайғылы оқиғадан бері небәрі 2 ай өтті.
Жақында «Қазақстан» кенішіндегі өрттен кейінгі кеншілердің қазасына басшылықтың 100% кінәлі екені белгілі болды.
АМТ кәсіпорындарындағы өліммен аяқталған жазатайым оқиғалардың барлық шектен шыққан статистикасы интернет қолданушылардың ғана емес, мемлекет басшысынан бастап шенеуніктердің де наразылығын тудырды.
23 сәуірде «АрселорМиттал Теміртау» АҚ заңгері Ирина Эм өлтірілгені белгілі болды. Оның зорлық-зомбылық белгілері бар денесін шақыртуға келген Шахтинск қаласының өрт сөндірушілері тапты. Ulysmedia.kz тілшісі бұл оқиғаның өндіріспен байланысты екенін анықтады.
Бұған дейін ҚР Индустрия және құрылыс министрі Қанат Шарлапаев АМТ иелігін өзгерту жоспарланып отырғанын айтқан болатын.