Халықаралық соттың шешіміне сәйкес, Әзербайжан қыркүйекте қақтығыстың шиеленісуі кезінде аймақтан қашып кеткен Таулы Қарабақ тұрғындарына үйлеріне қайтуға мүмкіндік беруі керек, деп хабарлайды Ulysmedia.kz.
Бакуге Таулы Қарабақтан кеткен және оралғысы келетін адамдардың «қауіпсіз, кедергісіз және жылдам» оралуын ғана емес, сонымен бірге аймақта қалып, одан кеткісі келетіндердің де кетуін қамтамасыз ету тапсырылды, деп жазады DW.
Бұған қоса, Әзербайжан аймақта қалған адамдардың зорлық-зомбылық пен қорқытуға ұшырамауын қамтамасыз етуі керек.
Сегіз апта ішінде олар халықты қорғау шаралары туралы Бакуден есеп күтеді.
Еске салайық, 19 қыркүйек күні түстен кейін Әзербайжан қорғаныс министрлігі әскерилер мойындалмаған Таулы Қарабақ республикасының (Арцах) аумағында «антитеррорлық шаралар» жүргізіп жатқанын хабарлады. Бір күннен кейін өзін-өзі жариялаған «Таулы Қарабақ республикасының» билігі қарсылық көрсетуді тоқтатқанын мәлімдеді.
Сондай-ақ, Қазақстанның Әзербайжандағы Елшісі Алим Байел мәлімдеме жариялап, ол елдің Әзербайжанның егемендігі мен аумақтық тұтастығын толық қолдайтынын растады.
Армяндар Әзербайжан билігінің репрессиясынан қорқып, Таулы Қарабақтан Арменияға қарай жаппай кете бастады. Екі аптаның ішінде армян халқы түгел дерлік – 100 мыңнан астам адам аймақты тастап кетті