Citix компаниясы әйгілі американдық инвестор Тим Дрейперден инвестиция тартылғанын жариялады, деп хабарлайды Ulysmedia.kz.
Citix компаниясының негізін қалаушы Яна Шойбекова болашағынан зор үміт күттіретін белсенді IT-кәсіпкерлердің бірі.
Жақында Digital Bridge-де Тим Дрейпер Астанаға арнайы келіп, IT-қоғамдастықпен бірқатар сессиялар мен кездесулер өткізді. Бұл – Яна сияқты кәсіпкерлерге өз идеясын сатуға мүмкіндік берді.
Тим Дрейпер – АҚШ-тағы венчурлық бизнестің бастамашыларының бірі. Дамудың бастапқы және ерте кезеңдерінде технологиялық компанияларға венчурлық инвестициялаудың әлемдік көшбасшысы болып табылатын Draper Fisher Jurvetson (DFJ) венчурлық компаниясының негізін қалаушы.