Сыртқы істер министрлігінің ресми өкілі Айбек Смадияров АҚШ-та қайтыс болған 27 жастағы еркін күрестен Олимпиада чемпионы Мұхамбет Қуатбектің оқиғасы туралы мән-жайды айтты, деп хабарлайды Ulysmedia.kz.
Не болды
Бір күн бұрын жасөспірімдер арасындағы 2014 жылғы Олимпиада чемпионы Мұхамбет Қуатбектің қайтыс болғаны белгілі болды.
Нью-Йорктегі консулдыққа Филадельфияда Қазақстан азаматының қайтыс болғаны туралы хабарлама келіп түсті. Отандасымыздың денесі 16 наурыз күні Филадельфия мәйітханасына жеткізілді. Қаланың сот-медициналық сапартама өлімге жүректің тоқтауы себеп болғанын хабарлады. Нақты ақпаратты күтеміз, - деді Смадияров.
СІМ өкілі Қазақстанның консулы қайтыс болған азаматымыздың туыстарымен байланыста екенін атап өтті. Қазір мәйітті Қазақстанға жеткізуге дайындық жүріп жатыр.
Мұхамбет Қуатбек
Мұхамбет Қуатбектің мансабындағы басты жетістігі жасөспірімдер Олимпиадасының алтын медалі болды: қазақстандық 2014 жылы Нанкин (Қытай) қаласында ең жоғары марапатты жеңіп алды. Ол 54 келіге дейінгі салмақта сынға түсті.
Қуатбек жасөспірімдер арасындағы әлем чемпионатында да қола жүлдегер атанып, екі рет жасөспірімдер арасындағы Азия чемпионатында жүлдегерлер қатарынан көрінді – құрлық біріншілігінде күміс және қола медальдарды иеленді.
2017 жылы кәсіпқой спорттан кетті.