2023 жылдың 10 қарашасынан бастап Қазақстанға Қытайдың 126 мың азаматы келді. Бұл жайлы Ulysmedia.kz порталы ҚР СІМ ресми өкілі Айбек Смадияровқа сілтеме жасап хабарлайды.
– Қытайлықтар біздің елде қаптайды, бұл біздің қауіпсіздігімізге қауіп төндіреді деген шу мен негатив көп болғанын білесіздер. Ендеше, мен сіздерге статистиканы келтірейін: 2023 жылдың 10 қарашасынан бастап Қазақстанға Қытайдың 126 мың азаматы барса, Қазақстанның 173 мың азаматы Қытайға барған, - деді Айбек Смадияров.
ҚР СІМ өкілі Бейжіңнен азаматтарымызбен бірге толық ұшақтың ұшқанына өзі куә болғанын атап өтті.
Қазақстан азаматтары Қытайға көбінесе туризм, медицина қызмет алу, оқу мақсатында барады.
– Біз визасыз елдердің тізімін ұлғайтуға тырысамыз. Көпке бұл ұнайды деп үміттенемін, жылдың соңына қарай көре жатарсыздар, - деді ол.