Әлеуметтік желіде Алматы қаласының бұрынғы әкімі Ахметжан Есімовтің тойда ән шырқаған видеосы тарап жатыр, деп хабарлайды Ulysmedia.kz.
Ол әнші Серікбол Сайлаубектің тойында қонақ болып, Сәкен Майғазиевпен «МузАрттың» «Жүрегім менің» әнін орындаған.
Қандай керемет көрініс. Ән өнерінің қазіргі хан тәңірі, елдің ардақты, асыл азаматы, тізгін ұстаған ел ағасы Ахметжан Есімовпен жанды дауыста ән шырқады, - деп жазды видео авторы.
Ахметжан Есімов сөз сөйлеп, ерлі-зайыптыға ақ тілегін арнайды.