Қазақстанда мәслихат таратылған жағдайда депутаттарға жәрдемақы төлеу ұсынылады, деп хабарлайды Ulysmedia.kz.
Мәжіліс депутаттары "Ақ жол" партиясы атынан премьер-министрге жолдаған сауалхатында мәслихаттардың әкімдіктерге тәуелділігіне наразылық білдірген. Өз жауабында Олжас Бектенов ұсынылған тың нормалар бұл мәселені шешетінін хабарлаған.
– Мәслихат таратылған жағдайда депутаттың өкілеттігі тоқтатылған күннен бастап үш айдан аспайтын мерзімде ай сайынғы төлемді көздейтін норма ұсынылады, - делінген жауапта.
Сондай-ақ штаттан тыс жұмысшылар санын қысқарту есебінен мәслихаттар штатын кеңейту ұсынылады. Парламентке түзетулер биыл енгізіледі.