Тиісті жарлыққа Украина президенті Владимир Зеленский қол қойған, деп хабарлайды Ulysmedia.kz.
Не болды
Украина Қарулы күштерінің бұрынғы бас қолбасшысы Валерий Залужныйдың әскери қызметтен босатылғаны белгілі болды.
Себебі
– Генерал Валерий Федорович Залужный денсаулығына байланысты әскери қызметтен әскери киім кию құқығымен жұмыстан шығарылсын, — делінген Зеленскийдің жарлығында.
Зулужныйдың отставкасы
Бұған дейін Зеленский Залужныйды 2021 жылдан бері қызмет етіп келе жатқан бас қолбасшы қызметінен босатқан еді. Бас комитеттің орнын осы уақытқа дейін Украинаның құрлық әскерлерін басқарған Александр Сыр басты.
Зеленский қарулы күштерді өзгерістер күтіп тұрғанын айтты. Ол қарулы күштердің 2024 жылға арналған егжей-тегжейлі іс-қимыл жоспарын ұсынуға, Батыс қаруын майданның бірінші шебіне беруге, логистика мәселелерін шешуге, штабтардың санын азайтып, тиімді ротация жүйесін құруға, әскери дайындықтың сапасын арттыруға және ұшқышсыз жүйелердің күштерін қалыптастыруға шақырды. Зеленский "әр генерал майданды білуі керек" деп атап өтті.
Залужный бұған дейін Украина қару-жарақ пен адам ресурстарын жұмылдыру жағынан жаудан төмен екенін айтқан және дрондарға көбірек үміт артқан дұрыс деген.