Әлеуметтік желіде тұрғын үйдің кіреберісінде соққыға жығылған павлодарлық әйелдің видеосы тарап жатыр, деп хабарлайды Ulysmedia.kz.
Не болды
Кадрлардан көрінгендей, ер адам орындыққа шалқасынан жатып, беті мен басын қолымен жауып алған әйелді балағаттап, ұрып-соғады.
Дұрыс ойлана алмайсың. Үйге сенің кесіріңнен кіре алмай тұрмын, мал. Кілтті таппасаң, сенің бетіңді сындырамын, – деп айғайлап, әйелді басынан ұрады.
Оқи отырыңыз: "Жазалау арқылы түзетеміз." Қоғамда агрессорлар көбейіп кетті ме?
Полиция не дейді
Жәбірленушінің мәлімдеме жасаудан бас тартқанына қарамастан, жанжалға қатысушылардың аты-жөні анықталды. Полиция күйеуіне қатысты жанжал бойынша әкімшілік іс қозғады. Оның қорытындысы бойынша сот-медициналық сараптама тағайындалды. Құқық бұзушы уақытша ұстау изоляторына қамалды, – деді Павлодар облыстық Полиция департаментінің баспасөз қызметі.
Бөлімдегілер әйелін ұрып-соққан ер адамның қашпағанын, ешқайда жасырынбағанын айтты. Полицейлер жанжалға не себеп болғанын сұрағанда, жәбірленуші есіне ештеңе түсіре алмағанын жеткізген.