Сауда және интеграция министрі Арман Шакқалиевтің айтуынша, әуелі петиция қажетті дауыс санын жинауы тиіс, деп хабарлайды Ulysmedia.kz.
Сауда және интеграция министрі Арман Шакқалиевтен Үкіметте бірыңғай уақыт белдеуіне наразы қазақстандықтардың шағымдарын тыңдала ма деген сұрақ қойылды.
Жауап
– Жұмысқа өтініш беру үшін 50 мың дауыс жинау керек. Тиісті алгоритм бар, екі ай ішінде бұл мәселе мүдделі тараптардың қатысуымен қаралады. Петицияның қажетті дауыс санын алуын күтейік. Содан кейін белгіленген тәртіппен біржақты қарастырамыз, - деді министр.
Жаңа уақыт белдеуі
Қазақстан бүгіннен бастап жаңа уақыт белдеуіне көшіп, бүкіл елде уақыт теңестірілді.
Үкімет басшысы таяуда Қазақстан аумағында уақыт есептеу тәртібі туралы қаулыға қол қойған еді.
Құжатқа сәйкес, елде Қазақстанда уақытты есептеу сағат белдеулерінің халықаралық жүйесі бойынша жүргізіледі. Қазақстан Республикасының бүкіл аумағында 5-ші сағаттық белдеу қолданылады. Астана, Алматы, Шымкент қалаларының, Абай, Ақмола, Алматы, Жамбыл, Жетісу, Қарағанды, Қостанай, Павлодар, Солтүстік Қазақстан, Түркістан, Ұлытау, Шығыс Қазақстан облыстарының әкімдіктері 2024 жылғы 29 ақпаннан 2024 жылғы 1 наурызға қараған түні (сағат 00:00-де) жергілікті уақытты 1 сағат артқа ауыстырады.
19 қаңтарда үкімет Қазақстанның барлық аумағында UTC+5 уақыт белдеуін енгізу туралы қаулыны бекіткен еді.