Оқу-ағарт министрі Ғани Бейсембаевтың айтуынша, жалпы елдегі 1 879 мектепке Starlink спутнигін орнату көзделген, деп хабарлайды Ulysmedia.kz.
Министр не дейді
Үкімет отырысында сөз сөйлеген Ғани Бейсембаев қазір барлық мектепті жоғары жылдамдықты интернетпен қамту мақсатында Starlink спутниктер орнатылып жаиқанын хабарлайды. Бүгінгі күнгі мәлімет бойынша қажетті 1 879 мектептің 1 731-де Starlink спутниктері орнатылған.
Терминалдар
Ал шекара маңында орналасқан 137 мектептерде Цифрлық даму, инновациялар және аэроғарыш өнеркәсібі министрлігі терминалдарды жандандыру жұмысын жүргізіп жатыр.
– Дегенмен Жамбыл, ШҚО, Атырау, Павлодар, Түркістан, БҚО және Ұлытау облыстары мектептердегі интернет жылдамдығын арттыру бағытындағы жұмыстарын жеделдетіп оқу жылы басталғанға дейін аяқтау қажет, – дейді ол.
“Бұл жұмыстар министрліктің қатаң бақылауында” деп сендіреді Бейсембаев.