Елімізде Ауыл шаруашылығы министрлігінің мал санын көбейту бойынша қолға алған жұмыстарына қарамастан малдың төлдеуі күрт азайып кетті, деп хабарлады Ulysmedia.kz.
БИЫЛ СИЫРЛАР АЗ ТӨЛДЕГЕН
Биыл Ұлттық статистика бюросының мәліметіне сүйенсек, биыл сиырлар былтырғы жылға қарағанда, 77,9 мыңға аз төлдеген. Ал қойдың төлдеуі өткен жылмен салыстырғанда 535,4 мыңға азайған. Сондай-ақ, биыл биелер 2023 жылмен салыстырып қарағанда 66,8 мыңға, ешкілер 153,7 мыңға, шошқалар 54,2 мыңға аз төлдеген. Десек те боталар жыл басынан бері былтырғы саннан қарағанда 3 мыңға көбейген.
ҚАРАҒАНДЫ ОБЛЫСЫНДА ҚҰЛЫНДАР КӨБЕЙДІ
Мысалы, Түркістан облысында сиыр мен қойлар ең көп төлдесе, Қарағанды облысында жылқының, Қызылорда өңірінде түйенің, Солтүстік Қазақстан облысында шошқаның көп төлдегені анықталған.
Бұзаулар – 2.314.518
Қозылар – 7.303.631
Лақтар - 886.676
Құлындар - 961.466
Боталар - 49.601
Торайлар - 495.534
Елімізде мал санын көбейтіп, одан қазынаға түсетін табыс туралы дерек келтірсек, биыл Ауыл шаруашылығы министрлігі Қытай компанияларымен ет экспорты және мал басын жіберу туралы жаңа келісімдер жасады.
Қытай Қазақстаннан сиыр еті мен мал басын алғысы келеді. Ауыл шаруашылығы министрлігі қытайлық компаниялармен 75 миллион долларлық үш жаңа келісімге қол қойды. Еттің алғашқы партиясы Қытайға маусым айында экспортталды.