Астанада дөнер сататын дүкенде жарылыс болып, өрт шықты, деп хабарлайды Ulysmedia.kz.
НЕ БОЛҒАН
ТЖМ баспасөз қызметінің мәліметінше, оқиғаның видеосы әлеуметтік желілерде тарап жатыр.
Елорданың Алматы ауданындағы Құдайбердіұлы даңғылында орналасқан дөнер цехында газ-ауа қоспасы жарылыс тудырып, содан кейін өрт шықты, - делінген Төтенше жағдайлар министрлігінің хабарламасында.
Жарылыс салдарынан өрт жақын маңдағы көкөніс сататын дүңгіршекке өтіп, көлікті зақымдаған.
Төтенше жағдайлар министрлігінің күштері 24 шаршы метр аумаққа жайылған өртті оқшаулап, Сағат 23:46-да оны толығымен жойғанын хабарлады. Зардап шеккендер жоқ.
Төтенше жағдайда 112 нөміріне хабарласу керек.