Қазақстан мен Марокко екі елдің азаматтарын туристік және іскерлік сапарлар кезінде визалық талаптардан өзара босату туралы үкіметаралық келісім жасасты, деп хабарлайды Ulysmedia.kz.
КЕЛІСІМ
БҰҰ Бас Ассамблеясының 79-сессиясының аясында Премьер-Министрдің орынбасары – Сыртқы істер министрі Мұрат Нұртілеу Шетелдегі Сыртқы істер, Африка ынтымақтастығы және марокколықтар министрі Насер Буритамен кездесті.
"Келіссөздер қорытындысы бойынша тараптар Қазақстан Республикасының Үкіметі мен Марокко Корольдігінің Үкіметі арасындағы ұлттық/жалпы азаматтық паспорттардың иелеріне визалық талаптардан босату туралы келісімге қол қойды", – делінген баспасөз хабарламасында.
Құжат азаматтар мен тараптардың қозғалысын жеңілдетуге және екі ел арасындағы екіжақты қатынастарды одан әрі нығайтуға ықпал етеді.
ШАРТТАР
Келісімге сәйкес, Қазақстан азаматтары мен Марокко азаматтары "жарамды ұлттық/жалпы азаматтық паспорттар негізінде бір-бірінің аумағына кіру, шығу, транзит және уақытша болу үшін" визалық талаптардан босатылады. Әрбір болу кезеңінің ұзақтығы кіру сәтінен бастап 180 күн ішінде әрбір кезең ішінде 30 күнтізбелік күннен аспауға тиіс.
Бұл ретте басқа елдің аумағында еңбек қызметімен, оқумен немесе кәсіпкерлікпен айналысу мақсатында қалуға ниет білдіргендер консулдық мекемелерінен тиісті виза алуға міндетті.