Паралимпиада жүлдегері жерлестерін дауыс беруге шақырды

Қалижан Бектемір

Токиода өткен жазғы паралимпиада ойындарында жүзуден қола медаль иегері атанған Нұрдаулет Жұмағали №20 дауыс беру учаскесіне арнайы келіп дауыс берді, деп хабарлайды Ulysmedia.kz.

Фото: дереккөз

Саяси науқанның ел болашағы үшін маңызды екендігіне баса назар аударған паралимпиада ойындарының жүлдегері дауыс берушілерді белсенділік танытуға шақырды.

Бүгін біз ұлт болашағы үшін таңдау жасаудамыз. Референдум халқымыздың саяси белсенділігін арттырып, азаматтық қоғам құндылықтарын айқындай түседі, – деді Нұрдаулет Жұмағали. 

Сөз соңында паралимпиада жүлдегері барша жерлестерді таңдау жасауда белсенділік танытуға шақырды.

Айта кетейік, бүгін АЭС референдумы бойынша Қазақстанда дауыс беру басталды. Сондай-ақ бұған дейін Орталық сайлау комиссиясы дауыс берудің заңды деп танылуының шарттарын атаған болатын.