Қазақстандағы балалар омбудсмені Динара Зәкиева Семейде қоқыс жәшігінен табылған сәби аурухананың жансақтау бөлімінде көз жұмғанын айтты, деп хабарлайды Ulysmedia.kz.
Қыз бала сағат 19:40-та қайтыс болды. Оның денесінің 80 пайызын күйік шалған. Бала құқығы жөніндегі уәкілдің өңірлік өкілі және облыс прокуратурасымен байланыста отырмын, – деп жазды Динара Зәкиева өзінің Instagram-дағы парақшасына.
Бұдан бұрын хабарлағанымыздай, сәбидің дүниеге келгеніне шамамен небәрі 1 күн болған.
Аталған факті бойынша сотқа дейінгі тергеу басталды.
Еске салсақ, бұған дейін Семейде қоқыс жәшігінен денесін күйік шалған сәби табылғанын жазған болатынбыз.