2024 жылдың алғашқы алты айында Ресейде «мемлекеттік сатқындық» үшін сотталған адамдардың саны 52-ге жетті, бұл 2023 жылдың осы кезеңімен салыстырғанда 3,5 есе көп, деп хабарлайды Ulysmedia.kz "Азаттық радиосына" сілтеме жасап.
3,5 ЕСЕ КӨП
Мысалы, 2023 жылдың толық мерзімінде осы бап бойынша 39 адам сотталған болса, былтырғы жылдың алғашқы жартысында 15 адамға үкім шығарылған. Ал 2022 жылы осы кезеңде төрт адам, 2021 жылы сегіз адам, 2020 жылы үш адам ғана сотталған еді.
ӨМІР БОЙЫ БАС БОСТАНДЫҒЫНАН АЙРЫЛУЫ МҮМКІН
2023 жылы «мемлекеттік сатқындық» туралы бап бойынша жаза қатаңдатылып, енді бұл қылмыс үшін өмір бойы бас бостандығынан айыру жазасы тағайындалуы мүмкін.
ТЫҢШЫЛЫҚ ҮШІН СОТТАЛҒАНДАР
Сонымен қатар, «тыңшылық» үшін сотталғандардың саны да өсті. Басылымның мәліметінше, 2024 жылдың алғашқы алты айында осы бап бойынша 18 адам сотталған, бұл 2023 жылдың сол кезеңімен салыстырғанда тоғыз есе көп (сол кезде тек екі адам сотталған).
ҚҰПИЯ ЫНТЫМАҚТАСТЫҚ ҮШІН
Тағы екі адам шетелдік мемлекетпен «құпия ынтымақтастық» үшін сотталған. Бұл көрсеткіш 2023 жылғы бүкіл жылдағы көрсеткішке тең.
«Құпия ынтымақтастық» үшін сегіз жылға дейін бас бостандығынан айыру және айыппұлдар қарастырылған. Ең жиі қолданылатын айыптау «Украинамен байланыс» ретінде көрсетілген.