БҰҰ-дағы Солтүстік Корея делегациясының басшысы Ким Сон Пхеньян Украинаға қарсы соғысып жатқан Ресейге әскер жіберді деген хабарламаны "негізсіз қауесет" деп атады, деп хабарлайды Ulysmedia.kz.
Бұл туралы Оңтүстік Кореяның "Рехап" агенттігі хабарлады.
Ким Сон мұндай қауесеттер елді жамандау және Ресеймен "достық пен серіктестікке көлеңке түсіру" үшін таралып жатқанын айтты.
Пхеньян Украина соғысына әскер жіберіп жатқаны туралы ақпаратты алғаш рет ресми түрде түсіндірді.
18 қазанда Оңтүстік Корея көршісі осы айдың басында Ресейге 12 мың әскери қызметкерді, оның ішінде арнайы дайындық бөлімшелерін жіберу туралы шешім қабылдағанын хабарлаған болатын.
Оның алдында бұл туралы Украина президенті Владимир Зеленский де мәлімдеді. Ол Пхеньянды "Украинаға қарсы соғыста Кремльге көмектесу үшін әскерлері мен қаруларын жіберді" деп айыптаған.