2023 жылдың қараша айында Алматы хостелінде өрт кезінде 13 адамның қаза болуына байланысты негізгі сот процесі жалғасып жатыр. Сотталғандардың бірінің жұбайы өрт алдында тіркелмей хостел ғимаратына кірген тұрғын туралы айтты, деп хабарлайды Ulysmedia.kz.
КІСІ ҚОЛЫНАН ШЫҚҚАН ӨРТ БОЛУЫ МҮМКІН
Айыпталушылар – Ala Hostel директоры Әділбек Мұхамедияров және "Гидсервис" компаниясының иесі Александр Пекельник – өрт қауіпсіздігі талаптарын бұзды деп айыпталуда7
Соттың кезекті отырысында прокурор бірінші болып айыпталушының жұбайы Ботагөз Мұхамедиярованы жауап алды. Ол күйеуінің ғимаратты "Құса Халық" ЖШС компаниясынан жалға алғанын айтты. Жалға алу бағасы 1 шаршы метр үшін 3700 теңге, ал айына жалға алу құны 6 миллион теңгеге жеткен.
Ол сонымен қатар тергеу кезінде ҚР ҚК 202-бабының 3-бөлімі бойынша "Бөтеннің мүлкін қасақана жою" фактісімен қылмыстық іс қозғалғанын атап өтті. Өрт кезінде хостелде күдіктілердің бірі Еркін Таңжарықов болған.
"Қайғылы оқиға болған түні Еркін Таңжарықов таңғы 5:16-да хостелдің жертөле қабатына ақысыз және тіркеусіз кіріп, 15 минутқа болған соң бірінші болып жүгіріп шыққаны бейнебақылау камерасына түсіп қалған", – деп хабарлады Ботагөз Мұхамедиярова.
Куәгердің айтуынша, Таңжарықов бұрын да сотты болған: 2024 жылдың шілдесінде ол Алмалы аудандық сотымен бірнеше рет заңсыз кіру арқылы жасалған ұрлық үшін 2 жылға бас бостандығынан айырылған.
КЕК ҚАЙТАРУ ӘРЕКЕТІ МЕ?
Сот хостелдің тағы бір куәгері – әкімшісін де тыңдады. Ол Еркін Таңжарықовтың бұрын осы хостелде тұрғанын және өрт алдында бірнеше күн бұрын басқа тұрғындармен бірге хостелге төсек-орындарды түсіргенін айтты.
"Бізде тұратын жастар әрқашан көмектесуге дайын болатын, себебі біз оларды жиі тамақтандырып тұратынбыз. Сонымен қатар, біз төсек орындарын түсіруге көмектескені үшін ақша төлеуге уәде бергенбіз. Олардың ішінде Тәнжарыков та болды. Сол күні оған жұмыс үшін төлемеген сияқты, ол ренжіп кетіп қалған. Төлемді барлығына бірден беретінбіз, бірақ оған, шамасы, төленбей қалды. Мүмкін, ол жігіттермен келіспей қалған шығар, олар оған төлемеген сияқты", – деп қосты ол.
ХОСТЕЛДЕГІ ӨРТ
2023 жылы 30 қараша күні таңғы сағат 5:33 шамасында Әди Шаріпов көшесі, 86 мекенжайындағы Almaty Hostel жертөле үй-жайы өртке оранған. Жану алаңы – 30 ш.м. Салдарынан 13 адам қаза тапты. Өрт орнынан 59 адам эвакуацияланды, оның үшеуі жедел-жәрдеммен ауруханаға жеткізілді.
Өрт фактісі бойынша қылмыстық іс қозғалды.