Ақмола облысы Ерейментау ауданында пайдаланылмай жатқан жер телімдері мемлекетке қайтарылды, деп хабарлайды Ulysmedia.kz.
МӘН-ЖАЙЫ
Ерейментау ауданының прокуратурасы пайдаланылмай жатқан 6 жер телімін мемлекетке қайтарып, тағы 8-ін алу бойынша іс жүргізіп жатқаны белгілі болды.
“Қадағалау актісінің негізінде жалпы кадастрлық құны 150 млн теңгені құраған, жалпы ауданы 15 мың гектарды құрайтын 3 жылдан астам мақсаты бойынша пайдаланылмаған 6 жер телімі қайтарылды” делінген хабарламада.
БӨЛЕК ІСТЕР
Сондай-ақ аудан прокуратурасының бастамасымен жалпы кадастрлық құны 408 млн теңгені құрайтын ауданы 59,2 мың гектар 8 жер телімін алып қою бойынша азаматтық істер сотта қаралуда.
Бүған дейін Түркістан шенділері 270 жер учаскесін заңсыз үлестіріп жібергені хабарланған.
Сондай-ақ СҚО шенділері 54 мың гектар жайылымдық жерді заңсыз беріп жібергені белгілі болды.