Мемлекеттік сатып алу сайтындағы конкурс ұйымдастырушысы – Ақтау қаласының тұрғын-үй коммуналдық шаруашылық бөлімі, деп хабарлайды Ulysmedia.kz Lada.kz-ке сілтеме жасап.
98 МИЛЛИОНҒА ШЫРША АЛЫНАДЫ….
Алдағы жаңа жыл мерекелеріне орай билік 20 метрлік екі жасанды шырша мен әшекейлер сатып алуды жоспарлап отыр. Бұл мақсатқа бюджеттен 98 403 854,00 теңге қарастырылған. Бұл сомаға мерекелік атрибуттарды жеткізу және орнату да кіреді.
СОНДА ОЛ ҚАНДАЙ ШЫРША?
Техникалық сипаттамаға сәйкес, шыршалар жасыл түсті, конус пішінді, биіктігі 20 метр болуға тиіс. Негізінің диаметрі – 7,4 метр, болат қаңқаның салмағы – кемінде 2 000 килограмм, инелерінің салмағы – кемінде 950 килограмм. Шыршалар гирляндалар және шарлармен, сондай-ақ периметрі бойынша жарықдиодты жарықпен көмкерілген декоративті аркамен безендіріледі. Орнату орнын тапсырыс беруші – яғни ТКШ бөлімі анықтайды.
ТЕК ҚАНА ШЫРША ЕМЕС...
Сонымен қатар, қалада бірнеше орын безендіріледі: 15-шағынауданның жағалауы, 11-шағынаудандағы Ынтымақ алаңы және 19А шағынаудандағы Әбіш Кекілбаев музейінің аумағындағы алаң. Оларды жаңа шағын сәулет нысандарымен (ШСН) безендіреді: бұғылар (6 дана) және жарықдиодты аркалар (2 дана).
Сонымен бірге, бөлінген қаражатқа бар ШСН-ның 20 данасын қалпына келтіру жұмыстары жүргізіледі. Ынтымақ алаңында дәстүрлі түрде бұталар мен ағаштарға гирляндалар ілінеді. Монтаж жұмыстары 2024 жылғы 17-24 желтоқсан аралығында жүргізіліп, бөлшектеу 2025 жылғы 15 қаңтарда жоспарланған.
КҮЛКІГЕ ҚАЛҒАН КЕЗДЕР АЗ ЕМЕС
2021 жылы Ынтымақта орнатылған жаңа жылдық шырша қатты жел салдарынан құлаған еді. Бұл оқиға 2023 жылы қайталанып, 15-шағынаудандағы жағалаудағы шырша құлаған.
Сонымен қатар, 2021 жылы "С новым 2022 годЫм" деген грамматикалық қатемен орнатылған жарықдиодты жазба ащы күлкі тудырған.
ЖЫЛУСЫЗ ҚАЛҒАН АҚТАУ
Бұған дейін Ақтауда жылу желілері 12 жерден істен шығып жарылған еді.