Түркі мемлекеттері ұйымына (ТМҰ) мүше елдердің президенттері Түркі әлемі өнер шеберлерінің концертін тамашалады, деп хабарлайды Ulysmedia.kz.
Толығырақ
Концерт бағдарламасына «Түркі әлемі» ансамблі мен Түркия Республикасының Президенттік симфониялық оркестрінің орындауында ТМҰ-ға мүше елдердің таңдаулы шығармалары енді. Жоғары мәртебелі қонақтарға түркі мемлекеттерінің дәстүрлі билері де көрсетілді.
Сондай-ақ концертте танымал түрік әншісі Кырач пен Қазақстанның халық әртісі Димаш Құдайберген өнер көрсетті.
30 қазанда Анкарада ТМҰ-ның XIII саммиті өтеді. Кездесу Түркия президенті Режеп Тайип Ердоғанның төрағалығымен ұйымдастырылған.
Саммитте тараптар сауда-экономикалық байланыстарды кеңейту, саяси ықпалдастықты нығайту, ортақ көлік дәліздерін дамыту, энергетика және цифрлық технологиялар салаларындағы ынтымақтастық мәселелерін талқылайды.