Харьковте әуеден тасталған бомба тұрғын үйге түсті, екі бала қаза тапты, 35 адам жарақат алды, деп хабарлайды Ulysmedia.kz.
ДРОНДАР АТЫП ТҮСІРІЛДІ
Ресейдің қорғаныс министрлігі тағы бес ұшқышсыз ұшақ атып түсірілгенін мәлімдеді.
Министрліктің әлеуметтік желілердегі хабарламасына сәйкес, Курск және Брянск облыстарында екі дрон, ал біреуі Қырымда атып түсірілген.
Бес дрон туралы хабарламадан 40 минут бұрын министрлік Курск және Белгород облыстарында он ұшқышсыз ұшақ атып түсірілгені туралы мәлімдеген.
УКРАИНА ЕУРООДАҚҚА ҚАШАН КІРЕДІ
Украина мен Молдова Еуропалық Одақтың мүшесі бола алады. Бұл туралы еурокомиссар Оливер Вархейи айтты.
"Біз Батыс Балқан елдері, Молдова және Украина үшін реформаларды жеделдетуге көмектесу мақсатында қосымша құралдар жасадық. Бұл құралдар "Өсу жоспары", "Украина жоспары" деп аталады, әр елге байланысты өзгереді. Осы жоспар арқылы біз Батыс Балқан, Молдова және Украина үшін реформаларды аяқтап, келесі Еуропалық комиссия мандатының соңына қарай ЕО-ға мүше болуға мүмкіндік жасадық", – деп мәлімдеді көршілес және кеңею мәселелері бойынша еурокомиссар Оливер Вархейи.
Еурокомиссия мандаты бес жылға созылады, келесі мандат 2029 жылы аяқталады.