Еуропалық Одақ Қытайдың Temu сауда сайтына қатысты ресми тергеу бастады. Бұл сайттың интернетте заңсыз өнімдерді сатуды тоқтата алмау мүмкіндігіне байланысты алаңдаушылық туындаған, деп хабарлайды Ulysmedia.kz.
АЛАҢДАУШЫЛЫҚ
Theguardian.com басылымы бейсенбі күні Еуропалық комиссия ресми тексеру бастағанын, төмен бағамен сауда жүргізетін және Amazon-ға бәсекелес платформаның қауіпсіздігіне алаңдаушылық туғанын хабарлады.
TEMU
«Миллиардерлер секілді сатып ал» деген ұранды ұстанатын бұл қызмет өткен жылдың сәуірінде іске қосылғаннан бері ЕО нарығында тез танымал болған. Ол косметикадан бастап киім-кешек, сондай-ақ жиһаз бен техниканы қамтитын тауарларды тікелей Қытайдан сатып алып, шамамен 100 миллион пайдаланушыға сатады.
КҮДІК
Еуропалық комиссия PDD Holdings-ке тиесілі платформаның Facebook, X және Google сияқты технологиялық компаниялар қызметін реттейтін жаңа Сандық қызметтер туралы заңды (DSA) бұзуы мүмкін деген көптеген күдік бар екенін мәлімдеді.
Сонымен қатар, компанияда «бұрын қызметтен шеттетілген адал емес сатушылардың» өнімдерінің бірнеше күннен кейін қайта сатылымға шығуына жол бермейтін сенімді жүйелердің жоқтығына алаңдаушылық бар.
Комиссияның жоғары лауазымды өкілі жалған өнімдер, фармацевтикалық препараттар, косметика және ойыншықтардың сатылуына байланысты алаңдаушылықты Еуропаның түрлі органдары, әсіресе Германия, Дания және ЕО-ның штаб-пәтері орналасқан Ирландия білдіріп отырғанын атап өтті.
«Біз басқа органдардан көп ақпарат алдық, бірақ заңсыз өнімдердің таралуын тиімді түрде болдырмау үшін жеткілікті жұмыс жасалмайды деген шынайы күмән бар», – деп мәлімдеді олар.
Бұған дейін Еуропалық Одақ Қытайдан әкелінетін электр көліктеріне қосымша 35,3%-ға дейінгі тарифтерді енгізетіні белгілі болған.