Қорғаныс министрінің орынбасары Шайх-Хасан Жазықбаев Қазақстанның әуе шабуылына қарсы қорғаныс күштері елге төніп тұрған қауіп-қатердің бетіп қайтаруға жеткілікті екенін мәлім етті, деп хабарлайды Ulysmedia.kz.
ҚАЗАҚСТАННЫҢ АСПАНЫ ҚАЛАЙ ҚОРҒАЛҒАН
Мәжіліске келген Қорғаныс министрінің орынбасарына Ulysmedia.kz тілшісі Қазақстанның әуе шабуылына қарсы қорғаныс күштері қаншалықты дамығанын, әуені қорғау үшін қай елдерден қандай қару алынып жатқанын сұраған.
– Қазақстан Республикасының Қарулы күштерінің қару-жарақпен қамтылуы кешенді жоспар бойынша жүргізіліп жатыр. Бір сөзбен айтқанда, бір күнде, бір жылда немесе бес жылдың ішінде түгелдей қаруды жаңалап, мықты қылып жіберу – ешқандай мемлекеттің мүмкіндігі жоқ. Нақтырақ айтар болсақ, бізде әуе қорғанысы күштері бізде бар. Басқа да құрылымдық күштермен, құрлық күштермен, әуе қорғанысы күштері ұйымдастырылған түрде қорғанысты орнатады бүгінгі таңда, – дейді ол.
БАЙРАКТАР
Baykar Defence түрік компаниясы Қазақстанда камикадзе-дрондары мен беспилотниктерді шығаратыны жақында хабарланған еді. Бұл туралы Қорғаныс министрі Руслан Жақсылықов СЕО компаниясындағы Халук Байрактармен келіскен сәтінде белгілі болғаны айтылған. Bayraktar брендімен дрондар Ресеймен соғыста Украинаның Қарулы Күштерін пайдаланылады. Шайх-Хасан ЖазықбаевТАН бұл келісім бойынша жұмыс қалай жалғасып жатқаны сұралды.
– Бүгінгі таңда келісім жасау кезеңінде жұмыс жүргізіліп жатыр. Басты мақсат – локализациясын біздің елде ұстау, – дейді ол.
Жазықбаев Қазақстанның аспанын қай елдің қарулары қорғап тұрғанын ашып айтпады. “Қазақстанның аспаны қаншалықты қорғалған?” деп қайтара қойылған сұраққа “қаншалықты екенін айтуға болмайтын шығар, әуе қорғаныс күштері бізге төніп тұрған қауіп-қатерге жеткілікті” деп жауап берді.