Исландия астанасы маңындағы жанартау үш жыл ішінде оныншы рет атқылап, лавалар мен түтін ағынын шашты, деп хабарлайды Ulysmedia.kz.
МӘН-ЖАЙЫ
Әлеуметтік желілердегі тікелей эфирлерден түнгі аспанға сарғыш және қызғылт сары түстердегі лава шашырап жатқанын көруге болады, еп жазады Reuters
Исландияның метеорологиялық басқармасы алғашқы атқылау белгілері тіркелгеннен кейін небары 45 минут өткен соң жердің қабығы арқылы магма өтіп, қазір шамамен 3 км ұзындыққа жеткен үлкен жарық пайда болғаны анықталғанын мәлім етті.
ЕСКЕРТУ
Билік астанасы Рейкьявиктен 30 км оңтүстік-батыста орналасқан аймақта магма жиналып жатқандықтан жанартау белсенділігінің мүмкін екені туралы ескерту жасаған. Бұл жерде соңғы атқылау тек 6 қыркүйекте аяқталған болатын. Алайда соңғы апталарда сейсмикалық белсенділіктің айтарлықтай өсуі байқалмаған.
Сәрсенбідегі атқылау алдыңғысына қарағанда айтарлықтай аз болғаны болжанып отыр.
Рейкьявиктегі Кефлавик әуежайы өз сайтында рейстер тоқтамағанын және маңызды инфрақұрылымдарға қауіп жоқ екенін хабарлады. Алайда Blue Lagoon, сәнді геотермалдық шипажайы қонақтарын эвакуациялап, жұмысын тоқтатқан.
ИСЛАНДИЯ
400 мыңға тарта тұрғыны бар Исландия Еуразиялық және Солтүстік Америкалық тектоникалық плиталардың түйіскен жерінде орналасқан, бұл оны гейзерлер, жылы су бұлақтары және ондаған жанартауларымен сейсмикалық белсенді аймаққа айналдырған.