Батыс Қазақстан облысында өзеннен ер адамның денесі табылды. Бұл туралы БҚО ПД баспасөз қызметінен мәлім етті, деп хабарлайды Ulysmedia.kz.
ПД мәліметінше, оқиға 13 желтоқсан күні Бәйтерек ауданы аумағында болған.
Шамамен сағат 12.00-де Садовое ауылы маңында Шаған өзеніндегі мұздың үстінен ер адамның мүрдесі табылды. Оның денесінде зорлық-зомбылық белгілері болмаған. Ер адамның кім екені анықталды. Мүрде сот-медициналық сараптамаға жіберілді, - делінген ПД хабарламасында.
Қазіргі кезде оқиғаның мән-жайы анықталып жатыр.
Еске салсақ, бұған дейін Атыраудағы үйлердің бірінің ауласынан еркек пен әйелдің денесі табылғанын жазған болатынбыз.