Елордада жаңажылдық шыршалар шамын жағу рәсімі өтті. Мерекелік жиынға қала тұрғындары мен қонақтары жиналды, деп хабарлайды Ulysmedia.kz.
Айта кетейік, бұған дейін 18 желтоқсанда сағат 20.00-де Астананың алты ауданында бір мезгілде жаңажылдық шыршалардың шамы жағылатыны хабарланған.
Әкімдік мәліметінше, шыршалардың айналасында мұз айдындары, сырғанақтар, шағын архитектуралық нысандар, фотоаймақтар және түрлі ойын-сауық шаралары ұйымдастырылады. Сонымен қатар әкімдік өкілдері қалада бір мезетте 30-дан астам шырша шамы жағылатынын хабарлаған болатын.
Еске салсақ, бұған дейін Шымкентте жаңа жылды тойлауға қанша ақша жұмсалатыны белгілі болған еді.