Ресей мен Моңғолияның шекаралас аймағында 4,9 балдық жер сілкінісі болды, деп хабарлайды Ulysmedia.kz.
Бұл туралы Қазақстанның ұлттық деректер орталығы хабарлады.
Оқиға 2024 жылғы 21 желтоқсанда Астана уақыты бойынша 00:57-де (20 желтоқсан, 19:57 GMT) тіркелді. Жер сілкінісінің координаттары солтүстік ендік 50,54 градус және шығыс бойлық 90,37 градус. Жер сілкінісінің энергетикалық класы К=12,5.
Әзірге қаза тапқандар мен зардап шеккендер туралы ақпарат жоқ.
Естеріңізге сала кетейік, 9 желтоқсанда сейсмикалық стансалар желісі Түркістан облысында жер сілкінісін тіркеген болатын. 15 желтоқсанда түнде Алматы облысында жер сілкінді. Ал 18 желтоқсанда Жамбыл облысында Астана уақыты бойынша 18:11-де (GMT 13:23) Тараздан батысқа қарай шамамен 108 шақырым қашықтықта жер дүмпуі сезілді.