Главная Жаңалықтар «Елбасы» жоқ: әуежайларда VIP қызмет көрсетілетін саяси тұлғалар тізімі өзгерді

«Елбасы» жоқ: әуежайларда VIP қызмет көрсетілетін саяси тұлғалар тізімі өзгерді

Сымбат Сатыбалдина

Қазақстанда әуежайлардың VIP-залында қызмет көрсетілетін адамдар тізімі өзгерді. Тізімнен "Елбасы" алынып тасталған, бірақ экс-президенттерге қызмет көрсетіле береді, деп хабарлайды Ulysmedia.kz. 

Ulysmedia.kz коллажы

МИНИСТРЛІКТІҢ ҰСЫНЫСЫ

Көлік министрлігі Қазақстан әуежайларындағы VIP залдарды пайдалана алатын тұлғалар тізіміне өзгертулер енгізуді ұсынды.

НЕГІЗГІ ӨЗГЕРІСТЕР

Тізімнен Қазақстанның Тұңғыш президенті – Елбасы шығып қалған. Оның орнына “экс-президенттер” категориясы қосылған. 

Сонымен қатар, тізімге жаңа қызметтер қосылған: 

  • Президент әкімшілігі басшысының бірінші орынбасары.
  • Президенттің Парламенттегі өкілдігінің басшысы.
  • Қауіпсіздік Кеңесі хатшысының орынбасарлары.
  • Президенттік хаттама қызметінің басшысы.
  • Президенттің баспасөз хатшысы.
  • Президент Әкімшілігінің Сыртқы саясат бөлімінің меңгерушісі.
  • Сыртқы істер министрлерінің орынбасарлары.
  • Сыртқы істер министрлігі Мемлекеттік хаттама қызметінің бастығы.
  • «Бәйтерек» ұлттық басқарушы холдингі» АҚ Басқарма төрағасы.
  • Қазақстан Республикасының Сыртқы істер министрлігінде тіркелген елшілер, бас консулдар, халықаралық ұйымдар мен миссиялардың басшылары.

Жалпы тізімде 58 қызмет иесі бар. 

ТІЗІМНЕН КІМ ШЫҒЫП КЕТТІ

  • Қазақстан Республикасы Тұңғыш Президенті – Елбасы Қорының атқарушы директоры және оның орынбасарлары.
  • Қазақстан Республикасы Тұңғыш Президенті – Елбасы Кеңсесінің басшысы мен қызметкерлері.
  • Қазақстан Республикасы Тұңғыш Президенті – Елбасының көмекшілері мен кеңесшілері.

ӨЗГЕРІСКЕ НЕ СЕБЕП

Елдің іскерлік имиджді көтеру және Қазақстан Республикасының көпжақты бағыттағы өкілдігін кеңейту мақсатында, делінген хабарламада.

Ашық НҚА платформасында жарияланған құжат 6 ақпанға дейін талқыланады. 

Вам будет интересно
Бизнеске қауіп төніп тұр: Қазақстанда ҚҚС-ты өсірудің балама жолы ұсынылды
Бюджеттік ойындар: Қазақстан үкіметі қазына қаражаты қайда жұмсалатынын неге жасырады
АҚШ-та заңсыз жүргендерді елден қуу: қазақстандықтарға ескерту жасалған
Ішкі істер министрі Сәденов Тоқаевқа не жайлы есеп берді
-35°C дейін аяз: алдағы үш күнге арналған ауа райы болжамы
Үкімет басқа жол іздеуі керек — депутат ҚҚС жайлы