Өзбекстан президенті Шавкат Мирзиеев екінші дүниежүзілік соғыс (Ұлы Отан соғысы) ардагерлеріне біржолғы төлемдер туралы жарлыққа қол қойды, деп хабарлайды Ulysmedia.kz.
ТОЛЫҒЫРАҚ
Құжатқа сәйкес, соғыс ардагерлері мен мүгедектеріне 10 000 АҚШ доллар, екінші дүниежүзілік соғысқа теңестірілген адамдарға 25 миллион сум, ал 1941-1945 жылдардағы еңбек майданына қатысушыларға 3 миллион сум беріледі.
Төлемдер республикалық бюджеттен қаржыландырылады, ал оларды тапсыру салтанатты жағдайда өтеді. Жарлықтың орындалуын бақылау премьер-министр Абдулла Ариповке жүктелген.
Айта кетейік, Қазақстанда ҰОС жеңісінің 80 жылдығын мерекелеу аясында ардагерлерге 5 млн теңге көлемінде біржолғы материалдық көмек төлеу жоспарланған. Бұл сома шамамен 10 мың АҚШ долларына тең.
Естеріңізге сала кетейік, бұған дейін 20 қаңтарда Қазақстанда Ұлы Отан соғысының 120 ардагері, сондай-ақ ҰОС жеңісіне үлес қосқан 42 545 Қазақстан азаматы қалғаны хабарланған болатын.