Еліміздегі ең қымбат баспана дәстүрлі түрде Алматы мен Астанада тіркелді, деп хабарлайды Ulysmedia.kz.
Krisha.kz порталының сарапшылары биылғы наурыз айының қорытындысы бойынша екінші нарықтағы тұрғын үйлердің бағасын саралап, мынадай деректер келтірген:
Екінші нарықтағы баспана ең қымбат қалалар:
Алматы — 763 008 теңге/шаршы метр
Астана — 528 305 теңге/шаршы метр
Шымкент — 445 563 теңге/шаршы метр
Баспана ең арзан саналатын қалалар:
Тараз — 310 745 теңге/шаршы метр
Талдықорған — 313 925 теңге/шаршы метр
Ақтөбе — 316 138 теңге/шаршы метр
Бағаның бір жыл ішіндегі өзгерісі:
Соңғы бір жылда баспана бағасы ел бойынша орта есеппен 6%-ға өскен.
Жалғыз арзандаған қала – Қарағанды: мұнда пәтер бағасы 1,4%-ға төмендеген.
Басқа қалаларда, керісінше, өсім байқалады.
Ең жоғары өсім – Ақтауда, мұнда жылдық баға 17,8%-ға қымбаттаған.
Астана, Орал, Петропавл және Қостанайда өсім 9,4%-дан 11,3%-ға дейін.
Алматыда пәтер бағасы 4,2%-ға, ал Шымкентте 6,2%-ға өскен.
Бұған дейін Қазақстанда жалдамалы және сатып алынатын баспана құны күрт көтерілгені хабарланған болатын.