Түркияның төтенше жағдайлар және табиғи апаттардың салдарын жою басқармасы (AFAD) Ыстамбұлда болған 6,2 магнитудалы жер сілкінісінен кейін 266 афтершок тіркелгенін хабарлады, деп жазады Ulysmedia.kz.
ТОЛЫҒЫРАҚ
— 24 сәуір күні сағат 9:00-де (Астана уақытымен 11:00) 6,2 магнитудалы жер сілкінісінен кейін жалпы саны 266 афтершок тіркелді. Олардың ішінде 258-і — 0-ден 4-ке дейінгі магнитудада, жетеуі — 4-тен 5-ке дейінгі, ал біреуі — 5-тен жоғары магнитудада болған, — деп жазады Daily Sabah басылымы.
AFAD мәліметінше, афтершоктар жер сілкінісінің эпицентрінен шығысқа қарай 10–15 шақырым аумақта шоғырланған. Сондай-ақ жер асты дүмпулері алдағы күндері де жалғасуы мүмкін.
БҰҒАН ДЕЙІН
Еске салайық, 23 сәуірде Түркияның Ыстамбұл қаласында бірнеше рет жер сілкінісі тіркелді.
СЕЙСМОЛОГТАР НЕ ДЕЙДІ
Еуропа-Жерорта теңізі сейсмология орталығының (EMSC) деректеріне сәйкес, магнитудасы 6,2 балл болған жер сілкінісі жергілікті уақытпен 12:49-да тіркелген. Эпицентрі Мрамор теңізінде, Силиври қаласынан 26 шақырым оңтүстікте орналасқан.
Кейінірек осы ауданда тағы екі дүмпу болды: 5,0 және 5,3 магнитудалы. Бұл жер сілкіністері де Ыстамбұлдың бірнеше аймағында сезілген.