Астанада Ұлы Отан соғысындағы Жеңістің 80 жылдығына орай 9 мамырда мерекелік отшашу өтеді, деп хабарлайды Ulysmedia.kz.
МӘН-ЖАЙ
Қала әкімдігінің хабарлауынша, отшашу демеушілік қаражат есебінен ұйымдастырылады.
Отшашуды 9 мамыр күні сағат 22.00-де екі жерден тамашалауға болады: Ботаникалық бақ және "Атырау" көпіріне іргелес аумақ. Әр жерде 4 мыңға жуық рет атылады.
Астанада 7 мамыр – Отан қорғаушылар күні және 9 мамыр – Жеңіс күніне арналған 100-ден астам түрлі іс-шара жоспарланып отыр. Оның ішінде концерттер, ғылыми конференциялар, мектептерде тәрбие сағаттары, спектакльдер және тағы басқа өтеді.