Синоптиктер 8 мамырға дейін ауа райы қандай болатынын айтты, деп хабарлайды Ulysmedia.kz.
АУА РАЙЫ ТҰРАҚСЫЗ БОЛАДЫ
Алдағы күндері еліміздің ауа райына оңтүстік циклон әсер етеді. Соған байланысты 6–8 мамыр аралығында батыс, солтүстік-батыс және солтүстік өңірлерде, ал 8 мамырдан бастап орталық, шығыс және оңтүстік аймақтарда тұрақсыз ауа райы күтіледі. Жаңбыр жауып, найзағай ойнайды, күндіз бұршақ жаууы мүмкін.
6–7 мамырда Батыс Қазақстан мен Атырау облыстарында, 7 мамырда Маңғыстау облысында, 7–8 мамырда Ақтөбе облысында қатты жаңбыр болжанып отыр. Тек Қарағанды облысында жауын-шашынсыз ауа райы күтіледі. Сонымен қатар, 8 мамырда республиканың оңтүстік-шығысында, ал бұған дейінгі күндері оңтүстік-батысында шаңды дауыл соғуы ықтимал.
ҮСІК
6 мамырда Павлодар және Абай облыстарында, 6–7 мамырда Шығыс Қазақстан облысында түнгі және таңертеңгі уақытта үсік жүреді деп болжануда.
ТЕМПЕРАТУРА
Күндізгі ауа температурасы:
– батыс өңірлерде 23–30 градустан 21–26 градусқа дейін төмендейді,
– солтүстік-батыс, солтүстік және шығыс өңірлерде 20–25 градустан 24–29 градусқа дейін жоғарылайды,
– орталықта 22–30 градустан 27–35 градусқа дейін көтеріледі,
– оңтүстікте 31–38 градус аралығында сақталады,
– оңтүстік-шығыста 25–32 градустан 30–38 градусқа дейін жоғарылайды.