Владимир Путин Украинаға "2022 жылы үзілген тікелей келіссөздерді" 15 мамырда Ыстамбұлда ешқандай алдын ала шартсыз қайта бастауды ұсынды, деп хабарлайды Ulysmedia.kz.
МӘН-ЖАЙ
— Киев билігіне 2022 жылдың соңында олардың бастамасымен тоқтатылған келіссөздерді қайта бастауға ұсыныс жасаймыз. Тікелей келіссөздерді, атап айтқанда, ешқандай алдын ала шартсыз қайта бастайық. Кешіктірмей, келесі бейсенбі — 15 мамыр күні Ыстамбұлда бастауға шақырамыз, — деді Путин Кремльдегі сөзінде.
Путиннің айтуынша, ол бұл келіссөздерді ұйымдастыру мәселесі бойынша Түркия президенті Режеп Тайып Ердоғанмен сөйлесуді жоспарлап отыр.
— Ертең Түркия президенті Ердоған мырзамен сөйлесу жоспарланған, мен одан келіссөздерді Түркияда өткізу мүмкіндігін ұсынуын сұраймын. Ол Украинаның бейбітшілігін іздеуге көмектесуге деген ниетін растайды деп үміттенемін, — деді Ресей басшысы.
Сондай-ақ Путин Ресейдің Украинамен "шынайы келіссөздерге" дайын екенін айтты.
— Бұл келіссөздердің мәні – қақтығыстың түпкі себептерін жою, ұзақмерзімді және берік бейбітшілік орнату. Бұл келіссөздер барысында жаңа бітім жасасу немесе атысты тоқтату туралы нақты уағдаластыққа қол жеткізу де мүмкін деп санаймыз, — деді ол.
Еске салайық, бұған дейін Украина "Ресейді бітімгерлік режимін" бұзды деп айыптаған еді.