Қазақстанда темекі тағы қымбаттайды. Қаржы министрлігі темекі өнімдерінің ең төменгі бөлшек сауда бағаларын көтеруге қатысты бұйрық жобасын жариялады, деп хабарлайды Ulysmedia.kz.
МӘН-ЖАЙ
Министрлік фильтрлі және фильтрсіз темекіге, папиросқа, сигариллаға және қыздырылатын темекі өнімдеріне ең төменгі бөлшек сауда бағаларын белгілеу туралы бұйрыққа түзетулер енгізіп жатыр.
– Жобаның мақсаты – фильтрлі және фильтрсіз темекіге, папиросқа, сигариллаға және қыздырылатын темекі өнімдеріне ең төменгі бөлшек сауда бағаларын арттыру. Ұсынылған өзгеріс темекі өнімдеріне қатысты салық және баға саясатын тиімді жүргізуге бағытталған, – делінген құжатта.
Министрлік бағаны көтеру арқылы Қазақстанда темекінің таралуы мен тұтынуын азайтуды да көздеп отыр.
Қаржы министрлігінің бұйрығына енгізілетін түзетулер 19 маусымға дейін қоғамдық талқылауға шығарылды.